Sjálfsalar
Seldu hvar og hvenær sem er
Tæknivit býður, í samstarfi við TCN, upp á eitt öflugasta úrval sjálfsala á markaðnum – yfir 300 gerðir á hagkvæmu verði sem ná yfir allt frá einföldum snakk- og drykkjarvélum upp í snjallsala með 55" skjám, lyftum fyrir viðkvæmar vörur og auknu öryggi fyrir verðmætar vörur. Allt tengt miðlægu stjórnkerfi fyrir skilvirkan rekstur.
TCN er einn stærsti framleiðandi sjálfsala í heiminum og býður yfir 300 mismunandi gerðir fyrir ólík svið – allt frá hefðbundnum snakk- og drykkjarsjálfsölum til sérhæfðra AI snjallsala og afhendingarskápakerfa. Við eigum nær örugglega réttu lausnina fyrir þig. Tæknivit sér um ráðgjöf, hönnun lausnar, uppsetningu og samþættingu við greiðslugáttir og miðlægt stjórnkerfi okkar.
Við vinnum með þér að því að velja þær vélar sem henta þínum rekstri best – og sjáum til þess að þær tali saman við önnur kerfi til að skapa skilvirka heild.
Hvort sem þú þarft eina vél fyrir skrifstofuna eða tugi á mörgum stöðum hjálpum við þér að byggja upp lausn sem vex með rekstrinum.
Þó við getum boðið yfir 300 gerðir sjálfsala er hægt að horfa á úrvalið út frá nokkrum skýrum flokkum. Þannig finnum við fljótt rétta vél fyrir hverja staðsetningu og hvert verkefni. Athugaðu að allir salarnir geta einnig selt rafrænar vörur eins og t.d. aðgöngumiða og gjafakort ef þeir eru búnir snertiskjá og Vendral hugbúnaðinum okkar.
Klassískar vélar fyrir snakk, sælgæti og drykki í mismunandi stærðum – frá einföldum lágmarkslausnum upp í stórar vélar með miklu vöruframboði.
Sjálfsalar fyrir heitan mat, samlokur, máltíðir og frystivörur – tilvalið þar sem fólk þarf aðgengi að mat 24/7.
Snjallsalar sem skynja hvað er tekið út. Viðskiptavinur opnar hurð með korti/síma, velur vörur og gengur út – kerfið sér um afgreiðsluna á bak við tjöldin.
Sjálfsalar fyrir kaffi, heitt súkkulaði, te og aðra heita drykki – einföld og stöðug lausn fyrir vinnustaði og biðsvæði.
Sérhæfðar frystilausnir fyrir ís og aðrar frystivörur þar sem hitastýring og ending skipta öllu máli.
Snjallskápalausnir fyrir afhendingu pantana, búnaðar eða rekstrarvara – hvort sem um er að ræða vefverslanir, þjónustuver eða vinnustaði.
Það er ekki bara vélin sjálf sem skiptir máli – heldur heildarlausnin. Við hjálpum þér að velja rétta tegund sjálfsala, rétta greiðslulausn, rétta uppsetningu skjáa og auglýsinga og rétta samþættingu við núverandi kerfi.
Einföld snakk- og drykkjarvél og heit drykkjarvél í kaffistofu og „grab & go“ lausn á framleiðslusvæði – allt stýrt úr sama kerfi.
Allir sjálfsalar sem við setjum upp eru tengdir Vendral skýjakerfinu okkar. Þannig færð þú rauntímayfirsýn yfir sölu, birgðir og stöðu tækja, óháð framleiðanda – en TCN-vélarnar eru sérstaklega vel samþættar.
Vendral tengist einnig öðrum kerfum eins og bókhaldi, ERP, CRM og gagnagreiningartólum, svo þú nýtir gögnin til fulls í rekstrinum.
Sjáðu sölutölur, toppvörur, staðsetningar og viðvörunarskilaboð á einum skjá – og skipulegðu áfyllingu, vöruval og þjónustu út frá rauntímagögnum.
Sjálfsalar og snjallskápalausnir frá Tækniviti og TCN nýtast í ótal samhengi. Hér eru nokkur dæmi um hvernig hægt er að nýta búnaðinn.
Snakk, drykkir og léttar máltíðir fyrir starfsmenn – með möguleika á innri verðskrá, fyrirtækjainneign og 24/7 aðgangi.
Heilnæmar lausnir fyrir nemendur og gesti – drykkir, snarl, ís, sundvörur og aðgöngumiðar.
Sjálfsalar í anddyri og á hæðum, á tjaldstæðum, afhendingarskápar fyrir lykla, aðföng eða veitingar – allt stýrt úr einu kerfi.
Viðbót við hefðbundna verslun, verslunarmiðstöðvar eða sjálfstæð 24/7 lausn þar sem kúnninn afgreiðir sig sjálfur þegar búðin er lokuð.
Hér eru nokkur dæmi úr því úrvali sjálfsala sem við getum boðið. Hafðu samband til að fá nánari upplýsingar um þær gerðir sem henta þínum rekstri best.
TCN-CEL-10C, með stórum snertiskjá, lyftukerfi og raufum með ýtum í stað spírala, hertu öryggi og hitastýringu. Allt að 60 vörunúmer, hentar fyrir margskonar vöru; ferskan mat, drykki, dýra og brothætta vöru. Til bæði í inni og úti útgáfu.
TCN-CEL-9C, kemur með 55” snertiskjá, snjöllu lyftukerfi, hertu öryggi, og býður upp á fjölbreyttar útfærslur í raufum fyrir vörur. Er með deildarskipta hitastýringu (4-25°C), fyrir mismunandi vörur, t.d. ferskar matvörur o.m.fl.
TCN pizza sjálfsalinn er ein af mörgum lausnum til að selja heitan mat allan sólarhringinn á hagkvæman hátt. Afgreiðir ljúffengar heitar pízzur á 2-3 mínútum.
TCN-CEL-11G, með 21,5” snertiskja, lyftukerfi fyrir viðkvæmar vörur. Hitastýringin er á bilinu 4-8 °C, sem hentar fyrir ferska matvöru og drykki. Pláss fyrir allt að 300 einingar.
Snjalleldhúsið frá TCN gerir þér kleift að selja alls kyns heitan mat, hamborgara, pizzur, samlokur o.fl. Getur geymt vöruna frysta og hitað upp með örbylgu eftir pöntun. Hentar sérlega vel fyrir mötuneyti og ferðamannastaði.
TCN íssjálfsali með stórum snertiskjá, fullkomna hitastjórnun, sjálfvirka hreinsun og vöktun, sem getur afgreitt margar mismunandi bragðtegundir af ís í box á aðeins 16 sekúndum eða 25 með sósu og kurli.
TCN-NCF-7N kaffisjálfsalinn sameinar bestu tækni í kaffigerð og frábær afköst. Nákvæmnis hitasstýring og kvörn að hætti Ítala og bleytir upp í baununum til að tryggja bestu bragðgæði. Hreinsar sig sjálf og getur boðið upp á yfir 20 mismunandi kaffidrykki.
TCN-ZK snjallsalinn getur stjórnað allt að 6 mismunandi skápum, með alls kyns mismunandi vöru. Hægt að sníða að ítrustu kröfum. Hentar vel fyrir afhendingu á vinnustöðum, hótelum og sjúkrahúsum.
Snjallsali, knúinn með gervigreind sem greinir hvað vörur eru teknar út og rukkar viðskiptavininn í samræmi við það. Hentar vel fyrir skrifstofur, hótel og þjónusturými með miklum umferð.
Segðu okkur frá staðsetningunni, vörunum sem þú vilt selja og markmiðunum með rekstrinum. Við finnum saman þá lausn sem hentar best – og sjáum um uppsetningu, hugbúnað, greiðslugáttir og samþættingar.
Bóka ráðgjöf um sjálfsala